«Հօլանի» բնամթերքի մշակման արտադրամասում հավաքվում, մշակվում և փաթեթավորվում է Ուրցաձոր համայնքային փնջի համայնքաբնակների կողմից առաջարկվող արտադրանքը՝ խոտաբույսեր, միրգ և մեղր։

«Հօլանի» արտադրամասը հիմնվել է Վայրի բնության և մշակութային արժեքների պահպանման հիմնադրամի (FPWC) կողմից՝ «Աղքատության կրճատում Ուրցաձոր համայնքային փնջում՝ (ինքնուրույն) զբաղվածության հնարավորությունների ստեղծումով» ծրագրի շրջանակում։ Ծրագիրը ֆինանսավորվում է Եվրոպական միության (EU) կողմից։

«Հօլանի»-ի նպատակը Հայաստանի համայնքների զարգացմանն աջակցելն է՝ սպառողների համար ներկայանալով որպես յուրահատուկ արժեք։

«Աղքատության կրճատում Ուրցաձոր համայնքային փնջում՝ (ինքնուրույն) զբաղվածության հնարավորությունների ստեղծումով» ծրագրի գործնական փուլին նախորդել են դասընթացները, որի ընթացքում տեղաբնակներին տրամադրվել են անհրաժեշտ գիտելիքներ բիզնես նախագծերի մշակման 7 իրականացման համար։ Համայնքային փնջի թիրախային խմբի ավելի քան 100 ներկայացուցիչներ ամբողջական պատկերացում են կազմել օրգանական գյուղատնտեսության, էկո և ագրո տուրիզմի մասին, ինչպես նա7 անգլերեն լեզվի և համակարգչային անհրաժեշտ գիտելիքներ են ստացել։

«Հօլանի» բնամթերքի մշակման արտադրամասի աշխատակիցներն Ուրցաձոր համայնքային փնջից են։ «Հօլանի»-ն նպաստում է կայուն աշխատատեղերի ստեղծմանը։